كتب : مصطفى جاد
مع الناس مبدأ ممكن يدمر أقوي العلاقات اللي مبنية من سنين وسنين مبدأ طالما أستحملت مرة يبقي أستحمل طول عمرك وانت ساكت في ناس لو لقيوا حد بيحبهم ييجوا عليه ويزهقوه معاهم ويطلعوا عينه عشان عارفين إنه بيحبهم فهيسكت فعادي يسيبوه زعلان يخبط دماغه في الحيط في ناس لو زعلوك ولقيوك عديت الموضوع وكبرت دماغك يسوقوا فيها بيفتكروا ان طالما عديت الموقف ده هتعدي أي حاجة غيره وملكش حق تزعل ولا تعاتب بدل ما يقولوا ده إنسان شارينا لو زوج أو زوجة شالوا مسئولية كل حاجة من الأول ساعات الطرف الثاني بيتمادي ويشيل إيده خالص ويبقي متفرج بس والطرف الثاني بيدور في الساقية لوحده مدام عرفت تشيل مرة يبقي شيل الشيلة كلها لوحدك اللي بيستحمل حد أو حاجة بدافع الحب والإخلاص والولاء مش لازم نكرهه فيها بعدم تقديرنا مش لازم نقطم وسطه أو نتعب نفسيتة مش لازم نخليه يندم علي طيبة قلبه ودماغه الكبيرة وإحتوائه للغير كل انسان وليه طاقة والله العظيم مهما كان بيحبكم ومهما كان شاريكم ما تخسروش أحسن وأنضف ناس في حياتكم عشان ضامنين حبهم لإن غالباً هتصحوا في يوم هتلقيهم قرروا يمشوا وما يرجعوش تاني .
