كتب.. يسرى البنوبى
فتحوا الشبابيك خلوا نور الشمس يدخل بقا بيوتنا خلى الهوا الصابح يصبح على قلوبنا ولا نخليه يرجع من تانى يفوتنا ويسيبنا خلينا نشم ريحة حبايبنا فى كل نسمه هوا بتيجى من بعيد تعانق خدودنا وكأنها بتقول وحشانا ياللى بتتوحشوا طيفنا خلينا نتمم بقا وعودنا لبعض و نطوف ونسلم عليكم ياحبايبنا ونشوف مشاعر الحب اللى بينا وصلت لفين لحاد متقابلنا ونحس بدفاها ندفى بيها بقا قلوبنا ونقول للجفا ان فكر يوم يجى علينا روح وكفا ده مالكش مكان ياجفا بينا والكل نفسه فى حضن دافى م الحبايب مليان حنان نعوض بيه غدر الزمان بينا من ساعة مفرق مابينا لحاد مرجعنا تانى لبعض واتقابلناخلينا ديما نسلم على بعض بأيدينا بكل ود بجد ونهادى بعض بأجمل ورد نعبر بيه عن كل الشوق اللى فات من زمان بيتنا واهو كان ناسينا زى مانسانا الزمان سنين واخر عننا وجوده وبدله بجفا اثر على وعوده بتجمع العيله واللمة وريحة الحبايب لما نسمع كلمة وحشتينا يا امه وساعتها شوف قد ايه بيبقى القلب دايب من حنان امه لما يلاقيها بتحضنه وتضمه بشوقه مليانه بحنانها وهيه بتقوله ربنا مايحرمناش من بعض تانى يابنى ويعوض علينا سنين البعد عن بعض ويعم السلام بقا بينا ولا يحرمناش من لمة العيله والضمه
