سقوط امبراطور الكيف وحيتان السوق السوده

سقوط امبراطور الكيف وحيتان السوق السوده
بقلمي ✍️ جهاد ابو زيد
و فاكرين إن سيناء والمدن الجديدة بعيدة عن عيون “الداخلية”، تبقوا غلطانين
وجود عنصر جنائي تقيل، مقيم في جنوب سيناء، الراجل ده عمل ثروة “مرعبة” من تجارة السموم والممنوعات.
المشكلة مش في التجارة بس، المشكلة إنهم كانوا فاكربن نفسهم اذكياء من الحكومة؛ بدأ يحاول يداري على “قرشه الحرام” ويصبغه بصبغة شرعية.
عمل إيه؟ بدأ يشتري عقارات وأراضي وسيارات فارهة، ويفتح أنشطة تجارية عشان يغسل فيها الفلوس ويظهر قدام الناس إنه “رجل أعمال” ناجح.
لكن قطاع مكافحة المخدرات كان صاحي له، وتتبع كل مليم دخل جيبه، وقدروا يحصروا ثروته اللي كانت عبارة عن 350 مليون جنيه!
والنتيجة؟ كل الملايين دي بقت في “الكلبش” واتخذت ضده الإجراءات القانونية فوراً.
وفي سياق منفصل، بس مش بعيد عن عيون الحكومة، سقط عنصر جنائي تاني كان شغال في “السوق السوداء” والاتجار بالنقد الأجنبي.
المتهم ده كان بارع في إنه يأسس “كيانات وهمية” وشركات مالهاش وجود على أرض الواقع، ويشتري شقق وسيارات غالية جداً عشان “يداري” على مصدر فلوسه.
رجالة مكافحة جرائم الأموال العامة حصروا ممتلكاته ولقوا إن حجم غسيل الأموال اللي عمله وصل لـ 170 مليون جنيه!
يعني الراجل ده لوحده كان عامل “اقتصاد موازي” ومخبيه ورا شركات ظاهرها قانوني وباطنها “تلاعب في العملة”.
في يوم واحد، وزارة الداخلية طيرت 520 مليون جنيه أكتر من نص مليار من إيد المجرمين.
كل مكان فى مصر تحت عيون الداخليه