العدل الغائب في محاكم الاسرة
كتبه/
رحاب محمد
مكتب الدقهليه
في ظل تزايد المشاكل داخل محاكم الأسرة، بقى السؤال المهم: هل المنظومة الحالية فعلاً بتحقق العدل ولا بقت سبب في زيادة المعاناة؟
كتير من الأسر بتدخل محكمة الأسرة وهي بتدور على حل، لكن بتخرج بقضايا أطول، ونزاعات أكبر، وضغوط نفسية ومادية على الطرفين، وفي النهاية الأطفال هما أكتر طرف بيتأذى.
تحقيق العدل الحقيقي مش بس في إصدار أحكام، لكن في سرعة الفصل، والإنصاف بين الطرفين، وحماية كيان الأسرة من الانهيار قدر الإمكان.
علشان كده، بقى ضروري إعادة النظر بشكل جاد في نظام محاكم الأسرة، ووضع حلول حاسمة وعادلة، تضمن:
سرعة إنهاء النزاعات بدون تعقيد.
تحقيق توازن حقيقي بين حقوق الرجل والمرأة
حماية الأطفال من آثار الخلافات
وجود قرارات واضحة وصارمة في حالات الطلاق
ويمكن يكون تدخل القيادة السياسية بقرارات إصلاحية حازمة خطوة مهمة لإعادة ضبط المنظومة بالكامل، بما يحقق العدالة الحقيقية ويحفظ كرامة كل الأطراف.
العدل مش كلمة… العدل قرار
