كتب : مصطفى جاد
وصلنا لقمة التعب بس كان في حاجات كتير بتدينا انذار قبلها واحنا مش أخدين بالنا وكنا بنجري لحد ما هبطنا وبطلنا نجري
عشان جوانا احساس مش عارفين نفهمه اساسا الاحساس ده زي صراع جوه مع نفسنا احنا مش بنعرف نحيكه لحد.
صراع بإننا جوه دايرة ومش عارفين نخرج منها شبه دولاب ازاز مانع عننا الرؤية والاحساس صراع كبير اسمه انا لازم اوصل لكل حاجة نفسي فيها بالعافبة أو بنعاند مع غيرنا عشان منكونش أقل عن حد.
بقينا بنتنافس علي الحاجات اللي ممكن نكون مش محتاجينها بس عشان ابقي زي الناس وخلاص بس فجأة هتجيلك حالة احباط ويأس ومش عايز تكمل وفقدت شغفك تجاه الحياة ووقفت حتي السعي عشان زهقت وبتصارع في الدنيا لواحدك
وكلها زي بعضها ومفيش جديد.
احنا السبب اللي حطينا نفسنا جوه علامة استفهام كبيرة وهي انا عايز ابقي زي الناس لحد ما بقينا كلنا ماشيين بنخبط في بعض بدون إحساس .
