كتب : مصطفى جاد
بس القصة كلها تفضفض مع مين للأسف مبقاش سهل علينا نطلع اللي جوانا لأي حد ميت ألف سؤال بيجي في بالنا قبل ما نحكي أي حاجة تخصنا وياتري لو اتكلمنا هنتفهم صح طب يا تري اللي هيسمعنا هيصون كلامنا وسرنا يا تري هيشوفنا إزاي بعد ما نحكيله ياتري ممكن يتغير علينا أو يستغل ده في يوم ضدنا كل دا بيخلينا نفكر مليون مرة قبل ما نتكلم لدرجة بتوصل معانا أننا بنتمني لو يظهر لنا شخص من عالم تاني نفضفض معاه بكل اللي في قلبنا و نحكيله ونشتكيله من همومنا ومن كل اللي تاعبنا علشان يواسينا ويطيب خاطرنا وبعدها يختفي وما يبقاش ليه وجود تاني في الدنيا ودا كله ليه علشان للأسف مبقناش نئامن نطلع اللي جوانا ولا نحكي سرنا لأي حد حتي لأقرب الناس لينا .
