أطهر وأشرف ما أنجبت مصر عارفين مين ده ده أسمه أحمد رشدي محمد محمود
بقلم د.رشا فايز
مواليد المنوفية 1924
البطل ده مسك وزارة الداخلية لمدة سنتين من 1984 لغاية 1986 لكن المشكلة إن مكانش حد في الداخلية بيحبه عشان كان بيحب شغله جداً
البطل ده إبنه كان ظابط شرطة ومرة قاله يابابا أنا زمايلي قالولي أقولك إنهم عاوزين مكافأت عشان بقالهم فترة ما أخدوش مكافأت فقاله حاضر من عينيا وتاني يوم في مكتبه في الوزارة جاب طلب إستقالة وكتبه بإسم إبنه وحط عليه طوابع دمغة ووافق عليه ولما إبنه عرف قاله إنت متنفعش تكون ظابط طول ما أنت شايف أبوك ها ينفعك وإبنه بقي محامي بعد كده
المهم :
البطل ده كان بينزل الفجر لابس جلابية مقطوعة وشبشب ويدخل أى قسم شرطة وعامل نفسه مضروب ويقول للظباط أنا عايز أعمل محضر في ناس ضربوني وسرقوني وكان الظباط بيشتموه ويقولوله إتلحق هنا فيروح للمأمور ويقوله إن الظباط مش عاوزين يساعدوه فالمأمور يقوم شاتمه وطارده من مكتبه وبعد كده يعرفهم بنفسه ويربيهم كلهم المأمور والظباط و عمل كده في أكتر من قسم شرطة لدرجة إنه عمل رعب للداخلية كلها
البطل ده منع الحشيش في مصر وقضي علي أسطورة الباطنية وقال لو لقيتوا حشيش في مصر يبقي أنا إللي مدخله البلد
البطل ده خلى اللواءات تنزل تنظم المرور وتحفظ الأمن في الشوارع
البطل ده حصل علي لقب أقوي وأكفأ وزير داخلية في العالم 1985
البطل ده هو مكتشف رأفت الهجان وقدمه للمخابرات المصرية
البطل ده إستقال من منصبه بعد أحداث الأمن المركزي إللي اتعملت عشان يشيلوه وبعد إستقالته تجار المخدرات في مصر نزلوا حشيش إسمه باي باي رشدي
البطل ده توفي سنة 2013 في هدوء تام وبلا شهرة أو إعلام 🙏
اللهم اغفر له وارحمه واسكنه الفردوس الأعلى مع الشهداء والصديقين والصالحين وحسن أولئك رفيقا اللهم امين يارب العالمين 🤲
