كتب : مصطفى جاد
في تصرفات كده بتخلى شخص يقل ف نظرك مش بس تزعل منه لا يقل ، و دى حالة أخطر من الزعل لأن الزعل قابل للتغيير مع الوقت أما الحالة التانية بتبقى نقطة نهاية لناس فى حياتنا التصرفات دى بتخليه يطلع بره مجال رؤيتك لدرجة إنه ممكن يعدى من قدامك ، ومتبقاش شايفه ، تصرفات تخليه يموت فى عينك وهو لسه عايش في شخص بتصرفاته وأسلوبه يخليك تندم إنك عرفته أصلاً إللى زى دول ما يتزعلش عليهم الواحد بس بيزعل من نفسه إنه كان مديهم حجم أكبر من إللى يستحقوه عموماً المفروض نشكر الناس دى عشان علمونا نبقى نتجنب التعامل مع أمثالهم فى المستقبل .
