النفس تميل لمن يدللها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مصطفى جاد – أسوان
٠٠٠٠٠٠٠٠٠٠٠٠٠٠٠٠٠٠٠٠٠٠٠
“النفس” لو رخصت عمرها ما هتغلى تانى للأسف كونها كنزك الوحيد وخصمك في نفس الوقت وليها حق اللجوء للحزن دا لو سمحت لها أنت بكدا النفس لها حق الفرار والفقد والضياع إذا عجزت عن إحتوائها السؤال المحير هو أنا هحتوي نفسي إزاى .
هو إنك تغليها وتعليها وتقدرها
وتتحملها هنا بقي لو الكون كله خذلك نفسّك مش هينفع تخذلك طوّر من إدراكك وعللي من شأنك أفهم وجعك اتخلص منه فأسرع وقت علشان تلاقي نفسك أثبت على مبدأك اللى بيشتغل على مصحلة وصلاح ضميرك مش اللى بيشتغل على مصلحة قلبك لأن القلب أناني ما بيعرفش يحسم أمر هو وظيفته إنه يستمتع باللحظة أيّا كان نتايجها عشان تلاقي نفسك أنسحب من العلاقات الهزيلة اللى بتدّمر الطاقات الإيجابية جواك والعلاقات المؤذية كمان تخلص من العلاقات الجبانة اللى كل همّها إستنزافك عاطفياً ومعنوياً عشان تلاقي نفسك أصرف عنها السلبيات حتى لو كانت بسيطة وقتك ملكك أنت ما تسمحش لحد يهدره لصالحه هو نفسك مش أنانية لما بتطلب منك حقوقها فمن حقها عليك التقدير والراحة التقدير هيبدأ منك وينتهى إليك و وقتها بس نفسك هتكون لك أو عليك .
