اخبار محلية
عتاب ناكر الجميل**************
،،،، مصطفى جاد - أسوان ،،،،،،،،،،،،،،،،،،،،،،،،،،، فى مواقف العتاب فيها قلة قيمة ماينفعش أجى أعاتبك على إنك لما عرفت إنى زعلان منك ما جتش تجبر بخاطرى ما ينفعش أعاتبك على عشمى الزيادة فيك اللى ما كنش في محله ولا أعاتبك على إنى مش من أولوياتك زى ما انت من أولوياتى ما ينفعش أعاتبك على عدم حبك وإهتمامك بيا ما ينفعش أعاتبك على إنى هنت عليك أحنا فى الحالات دى بنمشى من سكات لحفظ ماء وجهنا من كسفتنا قدام نفسنا إننا بعد كل السنين دى طلعنا ولا حاجة بالنسبة لأهم أشخاص فى حياتنا هتقولي مين أوحش شخص بالنسبالك هقولك اللي يغلط في حقك ويجي عليك ويلف يشتكي منك لطوب الأرض ويجيب اللي فيه فيك كمان بيكدب الكدبة ويصدقها بتبقي عايز تقوله انت ازاي كده وراضي عن نفسك ازاي إنسان ناكر للجميل جاحد إناني ما طمرش فيه عشرة ولا ود ولا أي حاجة كويسة في يوم عملتها معاه ما هو اللى ملقاش نفسه وسط الكبار لم العيال وعمل كبيرهم .
