Uncategorized
بلاش تدعي الكسوف
بقلم# اكرم هلال ......................... . .................... ليه يا قلبي بتبات حزين نايك قديم.. حيطانة متشققة ليه كل اما اداوي جرح جرحك يزيد يوصل للسما ما تجيبش لومك على الظروف واكتب كتابك على الشقا ومهما الوجع هد فيك امسح من حياتك كلمة لقا بلاش تلبس توب الاحزان الحياة مش سودة .... ولا كمان متزوقة والبعد لو كان مكتوب عليك بلاش تشوفة .. حبل المشنقه طول عمر قلبك كان وحيد ليه غاوي يعني تعذبه ليه لما تنوي تحب حد يبقى فراقك مذهبهُ ليه لما تمشي خطوتين ترجع لنفس المنطقه طير جريح ونسور بتشبع تريقة بعد ما كنت الخضار الطارح وكانت قصتك حرير و طارح لسة طالع م الشرنقة بقيت حدوتة... و كانت .. فيها عاشت قلوب و قلوب ماتت متدقدقة حظك كده من بين قلوب كل البشر تعشق قلوب الكدابين ماتجبش لومك ع القدر ولما تنجرح تقول حزين عيش حياتك كما السفر مكتوب عليك تدوق العذاب تشرب انين من بحر الحنين تكتب آلام في سنين غرام تكتب حروف تدوب قلوب العاشقين وتعيش جسمان حزين ساكناه الحمى وملون عنيه بلون السهر حظك كدة دي عاده عندك من سنين كان قدامك ناس كتير بس انت عاشق للعذاب كنت عايش ويا العصافير كنت عايش عيد ميلاد يبقى لما تندبح ما تبكيش كتير بلاش حواديت الحب والسهاد انسى اللى فات و عيش كما الأسد مين السبب في اللي انت فيه ؟ هو انت ليه بتعيش في خوف؟ انت اللي كان بإيديك سكتك ف ماتجبش لومك ع الظروف كتبت ليه ...؟ ارسميني فوق رموشك كحلتك ارسميني فوق شفايفك ضحكتك بس دايما وانتي جايه ترسميني علميني ... ازاي ما توهش في سكتك خدي من عيوني اعترافي نسيني اهلي والعزاز وأنا هجيلك جري حافي ولو طريقي من قزاز دلّيني بس أمشي فين سيبي بصمة خطوتك وادّيني إيدِك أتسند عُكّاز خدي من وريدي الدم ومش ح انطق بأااه كفاية إنتي بدمي بتعيشي الحياه مش ده كان كلامك..؟ ولا كان كلام.. بالمجاز ..!! ياصوت أدان من ألف عام واكتر عمري ما ح استكتر عليكي إي شئ د انا لما بادعي عليكي باستغفر واكتب عشانك تعويزة ظاهره يمكن تصادف يوم صديق يمكن تصادف قلب طاهر يدعيلك بفك ضيق انا م الاول معشمتش اكون صديق م الاول كنت عايز اصون قلبك جوه قلبي كنت طمعان اكون عشيق بس الحظ ساكن جوه حجري جوه دمي والوريد وانتي كنتى سهلة خالص كنتي لشيطان الهجر ساعي البريد فبلاش تعملي الطفل البرئ و بلاش تدعي الكسوف.
