Uncategorized
بغير من بدري كلمات واشعار
اكرم هلال............ .......... بغير من بدري سايبك تدوسي تهرسي مع الأرض تفاصيلي سايبك تحرقي حرق فى الأوراق تسبقي الطير المهاجر قبل الفراق ب فراق ترميني في النار وبلؤم تضحكيلي بغير و بتنفذ نصايحك وبسمع صاياك وطبعا فضايحك تعبان ......... بس عاشق مصيري بغير عليكي من غير غيرة وبشتقلك وشايف في عنيكي الصد و ساعات بشوفني واقفلك على التفصيلة وبعشق قلبي أما يكون حيران ما بين صد ورد واما نكون مع بعض بيخرج قلبي يندهلك ويزرعلك ف حضنه الورد وحتى الدق من نَفَسك يزيد يمكن ما يخلص عد ولو تسرح في لحظة تاكلني الغيرة أ لاقى قلبي اتوجع وضحكي أتقلب تكشيرة كأنّك باني ما بيني وبينك . مليون سد من بدري سايبك بتبعد تجرح في قلبي وتعند وأنا في مسلسلاتك بشوف حوالين مقامك بطوف مرة انا مكسوف ومره انته بعطفك شاملني مرة أحادي على قلبك وازنق ومرة تعاند مشاعري وتخنق مره تجري ومره اشيلك على الكفوف وبرضو منك حارمني يا بنت حوا حس بطبيعتي وزي ما حبّنا حكايه كمان إعملي حساب غيرتي ما تسيبينيش للتوهه ما تبقيش انتى اللى ساحرالى وانتى اللى واقفة مشدوهة ما تفرحيش بعذاب حيرتي وطول م الغيره من حقّي ح تلقى الغيره تسبقني ولو قلبك بيعشقني بحور الغيره سيبيها تمد باغير جدا وباشتقلك ولو حتى ..نكون مع بعض
