Uncategorized
قلبي يقع.
بقلم اكرم هلال .............................. ضربتي ضربتك واللى في قلبك نفذتية حضرتك انتقمتي وبلطافة افتريتي وابتديتي بكلمة حلوة ونهتيها ب الصلافة كنت عارف ان قلبك مش هيسامح وأنه لو عملها كان حقيقي هيبقى بايخ وان قساوتك بتسمي الطيبة عار وان حقك هتخدية بقيمة مضافة ويمكن كمان بالدولار بس في هنه ... نسيتي ..... إني غصن من الجنة وإن قلبي شاريكي ....... قاسيه عنيكي ...!! عارفة ........؟ ما فيش سكين هتيجي وحدها و تجرحك ولا زلزال قصده يقتل في أي مكان ولا فيوم هيكسر عليكي الباب حيوان ....... مفيش في الدنيا دي كائن مثير للخوف مفيش أخطر من الإنسان .. على الإنسان .. بس عادي ..... كل شئ بيعدّي عادي !! كل شئ بردِت مشاعرُه زي صوت الشِعر في بداية القصيدة كل شئ ميِّت في جِلدُه زي تُقل الخطوة وانتي عامله مصيبة راحت ليالي العشق والمُبالاه راحت ليالي الفزع راح الوجع تصدقي ...!! قربت انسى قولت آه وكل شوية وقت بيعدو إيديا بتحفظ المكان وشكل رَص مُسَكِّن المأساه وعشان كدا لو أذيتي قلبي كل يوم .. عادي .... كل شئ .. عادي مرتاح مع الكلمة و نغمتها عاجباني ومكيفاني الآاااه ...... مع كل قولة .. عادي عاجباني الرنة و حتي لو كان حبك طلوع من الجنة أحاسيسي مش كارهاه .. ولو حتى القصيدة بتاعتي مش مدهشة كفاية عليا تبقى الكلمة مِتصدَّقة يمكن ضعيفة و مدشدشة لكن فيها كلام حلو تقوليش حاضناه. ماهو مفيش وصول غير بالغرق بيقولوا .. فيه معاني هتعيش في القلوب. صحيح.. بس برضو .. فيه معاني هتموت عـ الورق معاني هتبقى فـ وقتها بتلمع بس الزمن بترابُه هيخلّيها عادي ..... فيه كلام هيبقى من غير صدى .. و كلام لو نقشتيه بإيديكي ع الحديد مش هيفضل منه إلا الصدا .. على كل حال إن نور القمر يطفا او تشوفي قلبي واخد من زهورك ألف قطفه ده مش ملاطفة ومش محال إنك ترسمي الوهم ب ايديكي لوحه م الزمن الجميل أو أني صعب اميل والمراكب ما شافتشي قلبي نيل لجل تمشيلك قوام ده مش محال ما هو السكوت عندي مربوط ب الف حبل من الكلام ف علشان خاطري ما تجبريش قلبي اللي صايم ع الهيام ييجي يفتح بوابة الذكريات ... ما افتكرش اني قابلتك او شربتك .......... او سلبت القلب منك ف الظلام ما تحسسنيش اني عملت شئ حرام ما يرضكيش اني اموت أوام ولا يرضي نفس يائسه كان املها تشوف حبيب بس ايه آخر اللهيب غير وعود ما بتنتهيش مكانش صعب مره اني اطيش أو أنسى انتي مين تصدقي مش زعلان من التلطيش بس زعلان أن قلبي صبح حزين قلبي وقع (قلبي يقع ) يستأهل ابن المجرمين شوفي ... مهما كان الحب دعوه عمري ما هقولك آمين ما هو استحاله اقول كرهتك حتى لو ناسي ابقى مين صحيح جرح القلب اتفتح ومش قابل اي دهين والدنيا عوجه قوي مع المجروحين ب تهين .. صحيح في الحب أنا مسكين وهيه بتقدر على المساكين .. بس مش هستسلم ولفراقك مش راح الين عارف ان فيها طلع الخليل م النار وانا لسه رهين.. بيعيش المختلف وألف ضربة للغلبان عشان مغلوب على أمرُه .. ولما يموت يوطّي الصوت .. يموت بهدووووووووء .............. يموت عادي
