بقلم : كاتب الأغانى يسرى البنوبى
ومره بدام جوايا ليك احلى مشاعر كمان حره مالهاش ولا اى قيود تكتفها وروح دافيه حساسه حاسه بيك وشايفه روحك دى متشافه بعيون تانيه من روحى اللى ضرورى بقت عاشقاك ونفسها تقابل روحك وتلمسها واستنيتك تبادلنى احساسى بود صافى يكون منك عشان مايضيعشى وقتى وانا بستناك وجيت على نفسى دلوقتى بالجامد واهى سنين عمرى وبنفسى ضيعت وعمرى برضه من ايدى فقدت عشان بستنى الدنيا تهدالى وتحقق حلمى وياك ونتواعد والقاك واتاريك ولا انت دارى بوجودى ولا حاسس بمين اللى منتظرك وبيستناك تقابلنا وعامل روحك فى غيبوبه وناسى الهوا اللى بيربطنا وكأنك حدفتنى بطوبه وفركشت اللى مابينا وكل أمورنا بقت فركش ومبتفكرش غير فى سبوبه تكسب فيها ازاى قرشك عشان تكبش بس وتحوش طيب يعنى عايزنى اغشك واقول انى بحس بقربى منك وقلبى ده ملوعه بحبك ومتيم فيك تتيم وانا بكره فيك شحتفتك على الدنيا وموتك على القرش و المليم واخريتها حبيت انى اقولك اسف انى عرفتك على حقيقتك وانك طلعت ندل لئيم .
