بقلم.. يسرى البنوبى
مالك ومالى يا مسهرني الليالى وانت لم تبالى على ايه معرفشى مع انى قربت اضيع عمرى عشانك فى عذاب وسهر لكن مبقولشى وبكون شايفاك طبعا وبعمل نفسى ولا هاممنى وانت ولا همك منى ومصر طبعا ع السفر وحدك طبعا ودى فكرة واطبعت فيك وفكرت فى روحك وناسينى وهاجرنى وكانك هاجج منى وكانى انا سامعاك بتكلم روحك دلوقتى وبتقول وهوه انا يعنى هبقالك ايه فى زمانك وانا اطول ابقى قريب منك يعنى طول مانت بايعنى او حتى راكنى على رفك بين كتبك يمكن ترجعلى فى يوم وانت بتتسلى فى مكتبتك بين ادراجك لما تكون مش غالبك نومك والا انا مرغوبه لقلبك وبتفكر فيا طول يومك وحارم روحك من نومك علشانى وحالف متنام لحسن تجرى بيك الايام من تانى ويضيع حلمك من بدرى اوام طب يعنى متمسك بيا من قلبك متأكد وهيضيع منك حلمك كله والا دى مجرد اوهام بتقولك وبتوسوسلك بس فى ودنك وياريتك تعرف بس لوحدك قبل مايفوتك وقتك وتتفاجىء بكابوس الدنيا يلا حقك ويضيع حقك م الدنيا لو متقدرش تعيشها غير ميضيع حقك فيها وخسارتك تبقى تجيلك بدال حلمك ولا تقدرش عليها وانت لوحدك وهتتعب اوى فى حياتك لو فكرت فى يوم تنسانى وتهملنى وكأنك راح تتبدل بواحد تانى وتنسانى وتبقى حد انانى غير نفسك وتغير طبعك علشانى وتنسانى ولا كأنى كنت فى حياتك ولا يوم من عمرك واهى كلمة وحياتك ولا حدش راح يحلف بحياتك تسمعه بيقولها بود ولا عمرك تبقى هتسمعها بودنك من حد ولا عمرك راح تسمعها بجد غير منى
