بقلم.. كااتب الأغاني يسرى البنوبى
صابره وياما صبرت فى عمرى بكيفى وحتى وغصبن عنى واهو لسه وهصبر تانى برضه ياعمرى وانا بأيدى ايه يعنى وكله وصبرت عليه ولا عمرى شكيت ولا حتى بكيت من كتر الصبر اللى مصبرنى واللى اتعودت عليه واهو ده قدرى ونسيت ان انا انسانه وليها طاقه وقربت انفذ دلوقتى من طاقتى من الزمن واللى بلانى بيه علشان الكل يشوفنى ويعذرنى وكتر خيره اللى يزودها ويعملها بقا بجميله من ضمن جمايله ويواسينى فى امرى ويشجعنى اتحمل واكمل عمرى وانا مش خايفه من حاجه يادنيا غير بس من تقليبة الزمن القاسى الغدار اللى بيقلب وبدون إنذار فى لحظة ماتطلع ليها نهار ويطول ليلنا ونبقى فى ليل دايم ماله نهار كده بأستمرار ونبقى ياويلنا لو طال ليلنا ومحدش نايم طول عمره وده صعب علينا طول السهر الجبار فى ليل مبيطلعلوش اى نهار وبعدين يملى الخوف كل قلوبنا كده بأستمرار واحنا يادوب عايشين وبنستناك يابكره نقولك بكل محبه واخلاص ان احنا خلاص توبنا من كل ذنوبنا وحرمنا خلاص واهو يمكن تيجى يابكره بأى مسرة وعشان كده ادينا لحاد الان كلنا صابرين واهو بالمره تيجى يابكره بكرماتك ومعاك كل حاجاتك وتفرحنا ونبقى ارتاحنا من وقت فرحنا وماتنساش اننا مستنين بس تورينا لو ان بصيص النور بعد ظلام عشناه فى اى سنين وتفرجنا على دنيا جديده بقالنا كده عمر بحاله بنستناها وقالولنا هتيجى وعليها الدور علشان بس تفرحنا وتفرح فينا الانسان اللى بقاله كتير حيران واهو عاش جوانا سنين عمره ولا عمره وحس معانا انه كان جواه قلب كان عايش من غير مايذوق الغلب فى عمره غصبن عنه وكان راضى ومضطر وهيجى اليوم اللى يطيب خاطره ويبعد عنه الشر ويسعد عمره وساعتها ضرورى هيملى الفرح كل قلوبنا والفرح يعم على الكل وتبقى بيوتنا تطل على الفرحه الكبرى يشوفها الكل فى دنيا مليانه فرح وسرور فتعالي يابكره بسرعه ومعاك النور لحسن ملينا الضلمه واشتاقنا نشوف لو ان بصيص م النور خلينا بقا ننسى دنيتنا الظالمه وايامنا المره ونعيش لو مرة أيامنا الجايه فى دنيا جديده مع احلى حكايه تملى قلوبنا بفرح وسرور
