كتب.. يسرى البنوبى
نلاقى شباب اليوم يبشر بالخير كمان وكمان والكل اهو نازلين طالعين وفى كل ميدان بشهامه ورجوله ومحدش منهم كسلان والكل شايفاهم العين جدعان ومحدش منهم قال انا عطلان ولا حتى مكسل مع روحه ومعود روحه ع الانتخه وقعاد البيت وشغل النسوان علشان مايضيعش العمر ومايقولش ياريت ويفضل حيران وده مين تانى اللى اسمه ال ايه بقا مدمن خمر وبرشام ومتسكلن على عين مامته وابوه غلبان عايش يومه بيفكر ازاى يصرف ع البيت والدنيا بتولع حواليه وكل شويه الأسعار فى جنون ده غير ابنه اللى بقا مجنون إدمان طب بص لابوك الغلبان وتبطل بقا شغل طناش من الان وتساعد مع ناسك وأهلك وخلى اخواتك تبقى تعيش واللى بتصرفه ع الكيف مش جايز يكفى اخواتك لو ان رغيف والسم الهارى اللى مع برشامك تلقاه اخواتك لقمة عيش متضرش حد بقا ياخفيف وادينا فى ايدين بعض ياشباب اليوم نصنع غد لكن مضمون وأنت وهوه تفكروا بقا ازاى هتكون نهضة مصر فى كل مجال وترجع تانى تقف على حيلها وتبطل سنكحه انت وهوه ياحيلتها وتنسوا تقليدكم الأعمى للغرب فى ملابس متقطعه وشغل استهبال طب دول استكفم فى كل مجال واهو من كتر التقييد واللبس الزين واهو كله جديد وقت الأعمال الرسميه اهو اسم الله عليهم جالهم إحباط وال ايه فكروا فى التغير ولبس المتقطع اوى وحقير هيخليهم ال يعنى فرى وعايشين ببساطه بدون اى قيود اما انتم ياشباب اليوم بتيجو ع الهايفه والعين مش شايفه غير بس ملابس وقصة شعر والحال بيكم بيميل طب فوق بقا انت وهوه ودى فين نخوة ولاد مصر الحرة فى كل مجال وانسوا بقا التقليد الأعمى وفكروا فى حاجات تجمعنا كلنا على خير وبلاها من تقليد الغير وخليكوا شطار و منتوش لسه صغار ولا تسموا اسم الله عليكم غير بأسامى رجال مخلاص مبقيتوش اطفال ولا لسه عيال طول مانتوا اتخطلكو فوق شفايفكم شنبات ومنتوش ببنات وبقيتوا رجال وشيل بقا انت وهوه والايد فى الايد برضه تساعد وتشيد فى كل مجال ولا تسمعش كلام صاحبك لو كان محبط دجال واكيد بقا حال الدنيا هيصبح عال
