سجدة ثلاث أعوام فقدت الأب والأم في حادث لتجد نفسها وسط زئاب.

بقلم أ. مصطفى قوره

شايفين البنت دي دي سجدة عندها ٣ سنين باباها ومامتها توفوا في حادث وعمها تكفل بيها هي واخواتها سجده حاليا في العناية المركزة طب ايه القصة وايه اللي حصل !

لما حبيت افهم في ايه وايه التفاصيل بقيت اجمع معلومات صادمة والله وجعت قلبي كل تفصيلة فيها كلام الجيران والتقرير الطبي وكل معلومه كانت بتأكد ان ان لسه في بينا مصاصين دماء عايشين

البنت دي كانت عايشه مع عمها وزوجته وبشهادة الجيران والمؤسسات الخيرية انها كان بيتم استغلالها في اعمال التسول بطرق مختلفه من جمعيات لمؤسسات بما انها واخواتها ايتام فالجميع حابب يساعدهم 💔

وفي يوم سجده كانت مع زوجت عمها في مشوار من مشاويرهم لجمع الحسنات واخدوا اولادهم وسابوا البنت داخل العربية وقفلوها عليها 

الاوكسجين اللي في العربيه خلص البنت اتخنقت ولما رجعوا بيصحوها لقوها مفيش استجابه راحوا يرشوا عليها مياه ويحاولوا مفيش اي استجابه

نقلوها المستشفي وبالكشف عليها تبين انها في غيبوبه نتيجة اختناقها 

ببص علي الكشف الطبي المبدائي اللي هسيبه في الكومنت انصدمت البنت في غيبوبه كامله 

وتورم بالجسم وخلل في وظائف الكلي وارتفاع في انزيمات الكبد و فيها سحاجات واثار حروق بجسمها مما يدل علي سابق تعذيبها وزرقان  

(واحمرار حول فتحة الشرج )

مسكينة زي دي لا اب ولا ام كانت فريسه سهلة بين ايديهم  

ملقتش اللي يدافع عنها ويحاول ينجدها واحنا بدورنا مش هنسيب حقها وهنشوف تقرير الطب الشرعي النهائي هيقول ايه 

حسبي الله ونعم الوكيل  

حاليآ النيابه بتحقق في اللي حصل وتم ضبط العم وزوجتة وتم اخلاء سبيل الزوجه واستمرار حبس العم بما انه الواصي لحين استكمال التحقيقات

شاركوا حكاية سجده 💔