مشهد بيهز مصر … إدفو بتقولها بالعمل مش بالكلام
✍️ : مصطفى جاد – أسوان
في عيد الأضحى المبارك، قيادات سياسية وقيادات كنسية من إدفو وقفوا إيد واحدة، ودخلوا مستشفى النيل التخصصي بإدفو يهنوا الأطباء والممرضين والمرضى بالعيد.
مفيش فرق… مفيش تفرقة.
مسلم ومسيحي، مسؤول وأب كاهن، كله واقف في صف واحد بيقول: “إحنا نسيج واحد، وهمنا واحد، وفرحتنا واحدة”.
المشهد ده أبلغ من ألف خطاب عن الوحدة الوطنية لما القيادات تنزل على الأرض وتشارك الناس فرحتهم في المستشفى،
ده معناه إن مصر لسه بخير، وإن أهل إدفو بيدوا درس في الأخوة الحقيقية.
كل سنة ومصر كلها طيبة وأهل إدفو نموذج للتلاحم اللي بيخلي البلد دي واقفة على رجليها مهما حصل.
تحية لكل قيادة سياسية وكنسية كانت سبب في المشهد المشرف ده.
وتحية لمستشفى النيل التخصصي ولكل جيش مصر الأبيض اللي بيضحي حتى في العيد مصر يعني إيه وحدة حقيقية في قلب عيد الأضحى.
