مش لابسين أجنحة.. بس هما الملايكة اللي على الأرض 12 مايو.. عيد الناس اللي بتضحي بنومه
✍️: مصطفى جاد – أسوان
النهاردة مش عيد عادي.. النهاردة عيد الجيش الأبيض الحقيقي
عيد الناس اللي بتسهر وانت نايم بتستحمل وجعك وانت بتتألم
بتطبطب عليك وانت في أضعف حالاتك وبتشوف الموت كل يوم ولسه بتضحك في وش المريض
الممرض مش “بيدي حقنة”
الممرض هو اللي بيبقى أب وأم وأخ.
للمريض اللي أهله مش معاه هو اللي بيمسح دمعة هو اللي بيطمن قلب هو اللي بيجري في الطوارئ
وإيده على قلب مريض.. وقلبه على 100 مريض.
في كورونا.. كانوا في وش المدفع
في الحوادث.. أول ناس بتستقبلك في العناية.. آخر ناس بتسيبك بيشتغلوا 12 ساعة واقفين وبـ مرتب مايكفيش
وبـ تقدير قليل من الناس بس عند ربنا كبيييير أوي.
قالوا عن التمريض الطب يعالج المرض.. والتمريض يعالج المريض فـ لو تعرف ممرض أو ممرضة بوس على راسه قوله كتر خيرك ادعي له.. دعوتك هتفرق
لأنهم بجد ملايكة الرحمة اللي ماشية على الأرض.
كل سنة وكل تمريض مصر والعالم بخير كل سنة وانته السند.. والأمان.. والحنية
ربنا يجعله في ميزان حسناتكم
مش لابسين أجنحة.. بس هما الملايكة اللي على الأرض 12 مايو.. عيد الناس اللي بتضحي بنومها عشان احنا ننام
