كتب: مصطفى جاد
“لو الزمن رجع، كنت هغير قرارات كتير خدتهم في حياتي.
عرفت الحقيقة متأخر، وفهمت إن في ناس معرفتهم بس ممكن تخسرك قيمتك وعمرك وروحك.
للأسف، الناس دي ما كانتش تستحق تكون جزء من حياتي، وأنا اللي دخلتهم بإيدي.
فهمت إن اختياراتي المتسرعة، اللي العاطفة غلبتني فيها، كانت بتبني عليها حياتي اللي جاية.
للأسف، اختياراتي دي شكلت مسار حياتي وطريقة عيشي بشكل ما كنتش أتخيله.
كمان استوعبت إني تنازلت كتير وجيت على نفسي عشان ناس ما قدروا دا، وفي النهاية أنا اللي بدفع تمنها.
دلوقتي، وأنا براجع حياتي، أتمنى لو كان الزمن يرجع عشان أصلح اللي فات، لكن للأسف، مفيش رجوع.”
