الحساسية تدق الباب في أي وقت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مصطفى جاد – أسوان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حساسية المضادات الحيوية ” Anaphylactic shock ”
قبل ما تاخد اي حقنة مضاد حيوي لازم لازم قبلها تعمل حاجة اسمها اختبار حساسية..
بتملي الحقنة عادي كلها وتيجي تحت الجلد وليكن في الايد وبزاويه صفر يعني تخلي سن السرنجة نايم على الجلد كده وتضرب نص سنتي بس
وتستني ربع ساعة وتفضل مركز علي المكان اللي أديت فيه الحقنة أو اعمل دايره حواليه بالقلم
لو الجلد احمر وورم ساعتها أوعى أوعى تدي المريض الحقنة دي إطلاقا لأن المريض ده كده طلع عنده حساسية من المادة الفعالة بتاع المضاد الحيوي ده حتى لو كنت لسه مديله الحقنة وهتديهاله تاني كمان شوية كرر اختبار الحساسية برضو لازم الحساسية بتيجي في أي وقت مع أي حقنة مضاد حيوي لازم اختبار حساسية حتى لو الدكتور نسي فكره انت قوله يادكتور لازم اختبار الحساسية أوعى تنسى ده مضاد حيوي هو اه ربنا بيسترها بس لازم نأخد بالنا برضو أكيد سمعت عن واحد يقولك ده كان واقف في الصيدلية بيأخد الحقنة ومره واحده وقع من طوله والسن حتى بتاع الحقنه مكنش لسه طلع منه
اهو هو ده بقى الحساسية المفرطة للمضادات الحيوية واللي في معظم الحالات بتسبب الوفاة اي حقنة مضاد حيوي أو تيتانوس أو بنسيلين أو أي حاجة من دول لازم قبلها تعمل اختبار حساسية للمريض طيب لو لاقدر الله حصلت واديت الحقنة للشخص اللي قدامك ومره واحده لقيت جلده احمر وورم وفقد الوعي فتلحق اللي قدامك إزاي في ساعتها بسرعة
حقنة أدرينالين adrenaline
وديكساميثازون
dexamethason
و افيل Avil كمان
