معركة التعايش
،،،،،،،،،،،،،،،،،،،،،،،،،،،،،،،،،،،،
مصطفى جاد – أسوان
،،،،،،،،،،،،،،،،،،،،،،،،،،،،
في معركة إسمها “التعايش” ودي معركة يومية ما حدش بيشوفها ولا يعرف عنها حاجة غير الشخص اللي بيعيشها وبس بتبدأ المعركة بمجرد ما تفتح عينيك الصبح بعد عدد ساعات نوم قليلة جداً كلها قلق وكوابيس وتبدأ بقى يومك وإنت بتحاول تصلب طولك مع ابتسامة مزيفة عشان تتجنب إن حد يسألك مالك ؟ أو يعرف إنك مش كويس وتفضل على مدار اليوم تجاهد مع نفسك ضد غباء وسخافات الناس اللي حواليك لغاية ما يخلص يومك وترجع تهرب لسريرك عشان تنام عدد الساعات القليلة اللي كلها قلق وكوابيس
