كتب : مصطفى جاد
مع مرور الوقت ومرور العمر ادركت ان اهم احساس في الحياه لايقدر بثمن هو الإحساس بالأمان اعظم احساس ممكن تحسه في حياتكً من واحنا صغيرين بندور علي الامان واحنا أطفال كنا بندور علي الامان في عيون أهالينا واحنا شباب بندور علي الامان حتي كبار السن بيحتاجوا للأمان .
الإحساس بالأمان يخليك ملك زمانك كانك مالك الدنيا كلها بين ايديك بس الوصول للإحساس دة مش سهل لان بقينا في زمن كلنا افتقدنا فيه الشعور بالأمان وادركت ان في بشر عايشه حوالينا الغذا بتاعها انه يفقدك الشعور بالأمان يخليك طول الوقت شخص متوتر وقلقان وخايف عشان يفضل ضامن احتياجك ليه طبعا النوعيه دي من البشر مرضي حقيقيين ويتملكهم الشعور بالنقص وخلل في تربيتهم
عشان كدة احب اقولك المكان اللي هتلاقي فيه الامان .
هتلاقي الامان في علاقتك بربنا وهتلاقي الإحساس بالأمان من جواك انت من نفسك برمج عقلك وتفكيرك انك ماتستناش الشعور بالأمان من اي بني ادم في الدنيا
لان النفوس بقت غير متزنه فيها خلل نفوس مريضه صعب تلاقي حد بيتمناك الخير من قلبه بجد
بس انت لازم تكون مصدر الامان لأولادك عشان يبقوا أسوياء نفسيا وعقليا .
