كتب : مصطفى جاد
الخوف هو أكتر شيء مُخيف في حياتنا فكرة انك مش مطمن من حاجة جواك وافكارك عمالة تلِح عليك تجاه الحاجة دي انها تحصل أو يحصلك حاجة مش علي هواك، فكرة انك تتخيل حاجة توصل ليها وتبقي النتيجة مش مرضية بالنسبة ليك.
انك تدخل حتي في علاقة ويكون سقف توقعاتك اكبر من اللازم فتحس بالخوف والقلق اللي بيضيعوا عليك أي فرحة، الخوف دا شعور صعب جدا، عشان لما هتحس بيه بيكون فجأة بيقلب كل موازين جسمك تلاقي قلبك بيترج وعقلك مشدود واعصابك كمان مستهلكة وانت نفسك تقول لجسمك اهدئ بس مش قادر تعمل كنترول عليه.
لأن انت حاسس بالإنهيار الداخلي نفسك تصرخ تفهم اللي حواليك إيه جواك بس مش عارف وحاسس بخطر وللأسف وقتها بيكون الخطر مجهول .
