كتب : مصطفى جاد
احنا بقينا في زمن أصبحت العلاقه السامه والاذي النفسي في العلاقات من المسلمات لا راجل فاهم يعني ايه مسؤوليه ولا شايف غير مصلحته ولا سامع إلا نفسه وبيتعامل مع الست علي انها انتيكه في البيت بلا مشاعر ولا رأي ولا عقل والست بقت شايفه ان دة طبيعي انها مجرد تحفه في البيت لا ليها رأي ولا شخصيه تأكل وتشرب وتخلف وتربي والحمدلله علي كده لا بقي حد فاهم يعني ايه تنازلات بين الطرفين ولا حد فاهم يعني ايه مشاركه ولا يتمني الرضا والراحه لشريك الحياه اغلبهم يقولك يلا نفسي وكل اللي هتاخديه من علاقه سامه بالشكل دة هو المرض وتدهور الصحه النفسيه لو ماتشالتيش علي الرأس في العلاقه دي دوسي عليها وعيشي لوحدك معززة مكرمة.
إوعي تسمحي لحد يبيع ويشتري فيكي أوعي تعيشي مع حد يخليكي في يوم تسالي نفسك هو بيحبني ولا لا هو عاوزني ولا لا عنه ماحبك ولا عنه عازك قلته احسن لما يوصلك للتفكير كدة عيشي لوحدك اكرم لنفسك ولصحتك النفسيه صحه بشرتك في الحاله دي اهم من الاستمرار في علاقه بالشكل ده ماتستنيش من راجل يكلمك ولا يهتم بيكي ولا يشوف اهتماماتك ولا يسمعك انتي تقدري تهتمي بنفسك اكتر من اي حد يهتم بيكي ماتتنازليش طالما تنازلاتك مش بتقدر ولا بتلاقي تنازلات منه .
