كتب : مصطفى جاد
معظم مشاكلي زمان كانت بسبب إني اتكسفت اتكسفت أقول ان ليا باقي فلوس ومشيت اتكسفت أقول لأ لشخص او لأ لحاجة اتكسفت أقول ان الهزار ده خلاني أزعل وان الموقف ده منمتش بسببه يومين اتكسفت أبعد عن ناس مش شبهي بعد ما قربت منهم كل مرة اتكسفت فيها ضيعت حقي جيت علي حساب نفسي و وقتي بشكل مبالغ فيه فضلت بعاني كتير وسط ناس مش شبهي .
عين العقل إنك أوقات لازم تعمل فيها غبي مش فاهم اللي قدامك لإنك أوقات لو اللي قدامك حس أنك فاهمه أو ذكي ممكن ساعتها تتورط في حاجات لا هي بتاعتك ولا مواقف شبهك مش كل الأذكياء بيعدوا من المواقف ولا الأزمات أوقات لازم بجد تكون غبي أو لازم تمثل إنك غبي أجمل ما قيل في التغفيل وجينا نبعد قالولنا نقعد .. جينا نقعد شدوا الكراسي .
