بقلم.. يسرى البنوبى
حبيبى طمنى عليك بصلى بعينيك ركز فى عينيا رسيني على حالك خلينى اعرف ايه مالك من نظراتك ليا وايه اللى جرالك م الدنيا دهيه وكيف أحوالك خلينى معاك اعرف مالك وان كنت مريض راح ادعيلك ربك يشفيك وان عوزت دواك اهو يمكن تلاقينى ابقى معاك افكرلك من فين هنلاقى وانا قلبى عليك بما انى بكون مهتم بأحوالك ومسخر نفسى انى ابقالك من نفسى وكأنى فدائى بفديك بجوارحى علشان بس اطيب ليك اى جراح بما انى قادر على جرحى واهى طابت بايديا وداويتها لنفسى وبنفسى وانا نفسى اكون ديما وياك اقدم ليك نصحى واخليك عايش مرتاح وإياك ترفض انى اجيلك ووقت العوزه اكون وياك بما انى ملاحظك بتخلى دموعك فى عيونك علشان مدراش انك بتبكى بحرقه على ميلت بختك ونصيبك لما الدنيا تقسى عليك و تبهدل فيك وتصيبك بكل جراح ولا استناش ابقى اشوفها و منديلك هوه اللى هيشكيلى من حزنك والا بكاك على اى جراح طب قولى ازاى بس افوتك وحدك فى مشاكلك وايه شاكلى معاك لما اشوفك واطنش والا ازاى حتى هيجينى قلب اعيش مرتاح رغم مصايبك وان حصلت ليك ده هيبقى صحيح مايصحش انى افوتك تبكى لوحدك بعينيك ولا ابكيش وياك واهو دمعى يعز عليه انى افوتك تبكى ولوحدك وعلشان كده قررت اشاركك فى بكاك
