كتب : مصطفى جاد
الحسد بيشقلب الحياة علي البني أدم وبيسد النفس وبيمرض وبيدمر حياتنا وبيخلي الانسان ييأس ويموت لأن الحاسد قاعدلك بالمرصاد بيراقب حياتك كلها في صمت وبيعرف منك كل التفاصيل ويتخيل كمان ويخمن في شكل حياتك عشان يعرف يحقد ويغل ويحسد بقسوة المشكلة بقي إن الحاسدين هما اكتر ناس بتخاف من الحسد وعيني عينك كدا.
تلاقيهم يقعدوا معاك يصدرولك الهم والفقر في حياتهم وعنيهم كلها حسد وأذي ليك وكل قعدة هتقعدها معاهم هتقوم بكارثة في صحتك أو رزقك أو عيالك لأن الحسودي حقودي وغلاوي وبيغل من الناس حتي علي ابسط حاجة عندهم دا انسان مريض يبص لواحدها في جوزها وعيالها ويبص لواحد في شكله وجسمه ويبص علي كل حاجة عند اللي قدامه ويغل منه علي بيته وولاده وعربياته وشغله وكل ما يملك حتي لو ضحكة بيضحكها ومحدش عارف ايه جواه أعوذ بالله منهم.
