بقلم : كاتب الأغانى يسري البنوبى .
ولو يوم سمعت صوت جاى من بعيد وبيسعدك ونبرة صوته بتطربك فلازم تصدق ان ده صوت الشهيد جاى يزورنا من جديد فى كل عيد ماهو اصله حاسس ان الكل بيوحشه تمام كده زى ما بنتوحشه كلنا ماهو أصله اكيد واحشنا ولا يمكن ننساه مهما عشنا وصوت الشهيد ديما معانا فى ودننا علشان مكانش ابدا مابينا كلمة وداع ساعة الفراق والكل باع المشكله الا الشهيد ماهوش كده ماهو أصله ضحى بدمه قبلنا علشان هينقذ دمانا من العدا وكانت روحه فنظرة عنده رخيصة ومن رخصها اهوضحى بيها من أجلنا ولا عزهاش عننا ولا استخسرهاش فينا وهوه بيحمى عرضنا لما قال دى ماتساويش كمان علشان الكل يعيش ويا الامان بس اهى اكيد دى غاليه عندنا واكتر كمان من اغلى غالى فى الزمن ومهما عشنا راح نفتكر دم الشهيد مع كل الشهداء والدما ء اللى سألت على ارضنا ارض الوطن من أجلنا عشان نقدر قد ايه عملت كتير فوق التضحية لما روت ارض العروبه بكل خير عشان تطلع ورد ابيض يحمل فى كل ورقه منه المعنى الكبير للأمل فى بكره واهو بكره اكيد ده احلى معنى للسلام على ارضنا عشان نعيش ويا جيلنا ولبعد جيلنا فى الحما ونكتب بأيدنا أجمل ملحمة للتاريخ توصف نضال كل شاب وكل شيخ ونذكر فيها كل يوم دم الشهيد اللى سال من اجلنا ومش بس بنذكره فى كل عام ونترحم عليه كلنا لانه عايش ع الدوام وفى قلبنا
