كتب : مصطفى جاد
بمجرد ما تبدأ تتخلي عن أي شيء في حياتك كان مسبب ليك دوشة وقلق فانت رايح ناحية التغيير وطريق حب نفسك تخلي عن أي حد متخيل نفسه إنك من غيره ولا حاجة تخلي عن المكان اللي كنت متخيل إنه بيطمنك عشان هو هو نفس المكان اللي بدأ يزرع فيك الخوف الكلمة الحلوة من أي حد بتغير شكل يومك وبتخلي مزاجك كويس فخليك دايما مع الناس اللي بتديك أمل وابعد عن السلبيين.
وابعد نهائي عن أي حد أول ما بتشوفه يفضل يشكي ويقول الحاجات الوحشة في حياته عشان دا فقر و هيجيبلك الفقر والهم وهو أصلاً كذاب طول ما انت بتبدأ تغير حياتك هتحس شويه بتعب وناس كتير هتسقط من حياتك بس الأكيد إن دا أفضل ليك انت محتاج تاخد الخطوة دي عشان احساس فقدان الشغف اللي بيجيلك بدون سبب واحساسك باليأس.
