كتب : مصطفى جاد
في مرحلة في حياتنا ولازم نمر بيها بتحس فيها إنك عايز تشد شوية وتفكر في نفسك واقسي علي حاجات كتير أوي حواليك وعايز فيها تعاند كل حاجة ومهما حاولت إنك تكون كدا بتلاقي نفسك محبط وشايف إنك متقدرش تعمل كدا فبتسكت وتكتم جوا منك كل حاجة كنت عايز تعملها الصعب في المرحلة دي مش شعورك باليأس لا خالص الصعب فيها شعورك بالصراع ما بين إن تستقوي علي نفسك وعلي اللي حواليك وما بين إن الدنيا كدا كدا مش مستاهلة صراع وبتحاول تسلم أمرك كله لله وترضي بس برضه بتلاقي ناس تستفزك وتستحق إنك تواجههم بعيوبهم بس برضه بتلاقي نفسك مفرهد لأنهم أغبياء فعشان تقنعهم أو تجادلهم هتتعب أكتر وأكتر المرحلة دي السبب فيها هو الخذلان والعشم في الناس سقف توقعاتك بيكون في اللي قدامك كبير لكن الحقيقة عكس كدا الدنيا مليانة حواليك منافقين وكذابين كتير لو استسلمت لأهواءهم ولدماغهم هيمرضوك عشان ترضيهم ومهما حاولت تعمل هما صح وانت غلط.
عشان كدا حط نفسك أولوية عند نفسك مش عند حد عشان المرحلة دي لو دخلت فيها صعب تخرج منها طبيعي حتي لو انت شايف انها سهلة .
