كنت راجع أحقق حلمي… وفي ثانية كل حاجة راحت
كتب محمد أبو سنه مدير مكتب كفرالشيخ
أول ظهور لصاحب واقعة سرقة الـ250 ألف جنيه بعد خروجه من البنك بمنطقة فيصل.
بحسب رواية الأستاذ عصام يوم الخميس 21 مايو خرج من البنك وكان راجع يكمل إجراءات مشروع كان هيكون مصدر رزق ليه ولأولاده… وبعد دقائق قليلة وأثناء مروره بشارع زكي السيسي، فوجئ بشخصين على موتوسيكل يخطفوا الشنطة ويفروا.
بيقول إنه حاول يجري وراهم لكن ملحقهمش، وبعدها اتصل بالنجدة وحرر بلاغ، وأكد إن الأجهزة المعنية تعاملت مع البلاغ وتم تفريغ الكاميرات ومتابعة الواقعة.
وقال كمان إن ناس من الشارع حاولت تتدخل وتوقفهم لكن الموقف كان سريع ومخيف.
الأصعب في كلامه مكانش رقم الفلوس… لكن إنها كانت تحويشة سنين لمشروع كان شايف فيه بداية جديدة ليه ولأولاده.
وفي رسالة منه للناس: «لو رايح تسحب مبلغ كبير… خليك حذر، متتحركش لوحدك، وأمّن فلوسك كويس.»
