كتب : مصطفى جاد
لما بضايق من حد غصب عني بفضل أفتكر له كل المواقف المؤذية القديمة اللي ضايقني فيها وبزعل من نفسي لما أجمع الخيوط والاقي نفسي أستحملت حاجات ما كنش المفروض أستحملها أو عديت حاجات ما كنتش لازم تعدي وبزعل أكتر أقول بدل ما دي كانت تبقى رسالة أني باقي على وجوده ومستعد أجي على نفسي بقت رسالة إنه ممكن يسوق فيها عادي وإني طالما عديت الموقف مره هعديه الثانية والثالثة أكتشفت إني ممكن أعدي نفس الموقف فعلاً ألف مرة بس مع كل موقف بعديه في حاجة فيا بتتغير وأسوء حاجة ممكن حد يعملها معايا أنه بمواقفة يغير من شعوري ناحيته من غير ما يحس عشان بعدها ما بعرفش أرجع زي الأول تاني مهما حاولت .
