كتب : مصطفى جاد
من الشخصيات الصعبة فى التعامل فى أى علاقة اللى عايز يتحكم فى كل شئ حتى فى كلامها ، طريقتها ، شكلها ، لبسها عايز يسيطر على كل تصرفاتها يكون هو وبس صاحب القرار حتي لو غلط ، هو شايف نفسه صح والباقى غلط ، هو اللى بيفهم وبس والباقي تيشه ، ما بيقبلش كلام حد غير نفسه وإيه بإنانية مفرطه ما بيسمعش إلا صوته بس ، ما عندوش نقاش ولا تفاهم هو اللى رأيه يمشى وبس ، الشخصية دى مش مرهقة بس لا دى صعبه لأقصى مدي ، واللى بتكمل معاه يتعملها تمثال ، وللأسف اللى بتكمل معاه بتكون مضطره تلغى شخصيتها علشان الأمور تمشى رغم عدم قناعتها طبعاً ، وممكن يكون أب أو أم او حتى مدير عن الشخصية المتسلطة نتحدث ، وعلشان تتعاملى معاه لابد وأن يكون عندك ذكاء إجتماعى ، عندك مرونه نفسية تمتصى غضبه ، تعرفى إزاى تعملى معاه حدود واضحة وصريحة ، تعرفى تديرى إنفعالاتك وتتحكمى فى غضبك تعرفى امتى تردى وامتى تتجاهلى وامتى تسكتى .. الأمر محتاج شغل كتير على نفسك .
