كل حاجة ليها تاريخ صلاحية
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مصطفى جاد – أسوان
٠٠٠٠٠٠٠٠٠٠٠٠٠٠٠٠٠٠٠٠٠
المشاعر لو متقابلتش بالإحتواء هيجي وقت هتنطفي وصلاحيتها هتخلص زعلك برضو لو متقابلش بالإعتذار اللي يليق بيه في وقت معين بيخلي صلاحية الإعتذار عندك تنتهي وتخلص كل مشاعر طيبة وصادقة مهما كانت قوية هتخلص طالما مفيش تقدير وإهتمام قصادها الوقت عامل مهم وأكبر مبدل للأحوال بس الأيام ما بتقدمش إعتذار ولا إحتواء الأيام ممكن تخليك تنسي بس وهي بتخليك تنسي بتسيب قسوة وجمود بتخليك تفقد الشغف تجاه حاجات حلوة كنت مستنيها وجت بعد ما أنتهي الشغف وفات وقتها .
