الالتهاب الرئوي
٠٠٠٠٠٠٠٠٠٠٠٠٠٠٠٠٠٠٠
مصطفى جاد – أسوان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مرض بيصيب الجهاز التنفسي السفلي وخاصة الحويصلات الهوائية ونسيج الرئة ممكن يكون التهاب رئوي فيروسي نتيجة فيروس زي الانفلونزا أو الكوفيد
أو التهاب رئوي بكتيري أو نتيجة لميكروب الدرن أو الفطريات
طيب ايه هيا أعراض الالتهاب الرئوي
– كحة مصحوبة بمخاط أو ببلغم ليه ألوان متعددة
– ارتفاع في درجة الحرارة
– نهجان وكرشة نفس
– الم في الصدر نتيجة التهاب الغشاء البلوري
– وجع في الجسم والمفاصل
ولازم نعرف أن كبار السن وأصحاب الأمراض المزمنة أو المناعية عرضى اكتر للإصابة بالالتهاب الرئوي وكمان عرضى لحصول مضاعفات زي الالتهاب الصديدى و خراج الرئة
عشان كدة لو عندك اعراض وشاكك أن فيه التهاب رئوي بلاش علاج من نفسك زي انك تاخد مضاد حيوي ممكن ميكونش مناسب لنوع البكتيريا اللي عندك او بجرعة غير مناسبة فيحصل تفاقم للالتهاب الرئوي وحصول مضاعفات
توجه لاستشارة طبيب عشان تطمن وتاخد علاجك الصح
