من الحاجات من بعد موت الاب
،،،،،،،،،،،،،،،،،،،،،،،،،،،،،،،،،،،
مصطفى جاد – أسوان
،،،،،،،،،،،،،،،،،،،،،،،،،،،،،،،،،،،،،،،،،،،،،
لما ابوك بيموت بتحس ان زي ما بيكون العمود اللي شايل البيت كله اتكسر والبيت وقع على دماغ كل اللي فيه وتحس ان حجات كتير جواك ماتت غصب عنك بتفضل بعديه رافض تصدق انه مات وتفضل تعيش الذكريات وتفضل تحتاجه في كل موقف صعب بتواجهه في حياتك وبرضوا بتفضل تدور عليه لعلك تلاقيه و مش بتلاقيه الناس اللي كانت بتسأل على حال اسرتك لجل خاطره بتختفي وكانهم ماتوا معاه ونادرا ما بتلاقي حد لسه باقي على ذكراه وبيسال عليكوا اكراما ليه
حياتك حرفيا بتتقلب وتحس انك كبرت قبل الاوان وتحس انه مسئولياته اتقسمت على افراد الاسره غصب عنهم فجأه وياريتهم قادرين يسدوا مكانه (وخاصة البنات كان الله ف عونهم)
من الاخر لما ابوك بيموت بيموت جزء كبير اوي في حياتك صعب يتعوض وبتضطر تعيش بروح ناقصه عاجزه جزئياً ومهما عملت محدش بيقدر يسد مكانه في حياتك ولا مكانته في قلبك من البشر معرفش اذا كنت انا لوحدي اللي بحس كدا ولا انتوا كمان ؟ بس .
